《夫婦二人嘅屋子》 鑽石山 星河明居
- Uchi Design
- 2024年3月1日
- 讀畢需時 3 分鐘
已更新：1月10日
《夫婦二人嘅屋子》 鑽石山 星河明居
屋子為夫婦二人居住，空間規劃上限制少，格隔改動有較大發揮空間，其設計要求！屋主要求要有高質既睡房環境，要做到3邊落床！亦要有衣帽間！
設計師將原先主人房既牆身移除，將原則上1間睡房改為衣帽間，
亦改動主廁既開門位置及重新安排洗手、馬桶、沖涼位置，目的係將主人房向走廊位置推出；改動後既主人房，少左衣櫃既牽伴，多左好多走動空間，可以做到3邊落床，床既兩側仲可以擺放床頭櫃！
原裝既兩間睡房均變成功能性空間！其中一睡房被納入為主人房連衣帽間，另一間被撥入至廚房空間！為左可以更擴大廚房可用面積，亦移除廚房牆身，改為開放式廚房及用膳既地方。改動後既廚房，設有小吧檯，兩側亦有足夠既廚櫃，可以嵌入所有大大小小既家電，感覺十分一體，
另外， 屋主表示需要一間儲物房；設計師提議縮減客廁既面積，減去沖涼既位置，只保留附洗手台既馬桶，將客廁既空間推至最細，順勢造就儲物房既出現！！🤩
面對鑽石廳，很多屋主表示無從入手！而我地可以係沙發背後〝生出〞一個「修容修線條」既傢俱，就可以將不規則形狀既客廳「拉返直」喇！其傢俱可以係一個儲物櫃、飾物櫃、檯面櫃等等。
💡#屋點子
眾所周知，呢類型嘅屋苑都擁有一個天然嘅「鑽石廳」，一般造法就係其中一邊牆身擺放入牆電視櫃，另一邊牆身就要 “將就” 擺放一座扭斜嘅梳化，但其實長久黎講，眼同頸都會變得好辛苦！
但其實可以以訂造傢俱改善呢個問題，將屋內嘅線條「追平」。當我地將梳化與電視櫃對齊平放，梳化背後留空出黎嘅三角位置，正正可以用一個三角型嘅儲物櫃黎填補，增加儲物空間，亦可擅用呢個櫃籠擺放嵌入式家電等等。
另外鑽石廳係擺放傢俱後，少不免會變得「 九曲十三彎」，傢俱露出黎嘅邊邊角角感覺上會變得好「尖銳」，我地可以順勢將 d 角落位造圓，對於細路大人黎講都比較安全、順眼！
至於設計用色方面，屋子大大小小位置均沿用大器耐看既淺木無印色與白色混搭，使屋內更顯白透光，亦為屋內製造溫馨既暖流感🥰。
歡迎各位屋主 inbox📥查詢細節及報價😜
💡更多其他私樓、村屋嘅裝修設計，可以去呢到👇🏻
✅《鑽石廳嘅屋子》黃埔 黃埔花園
✅《門處理嘅屋子》沙田 偉華中心
✅《日系廚房嘅屋子》堅尼地城 青蓮臺
✅《高貴典雅嘅屋子》將軍澳 日山康城
✅《輕奢華嘅別墅屋子》大埔 林村村屋
✅《一覽無遺嘅屋子》黃大仙 怡庭居
✅《簡約無印風》荃灣 爵悅庭
—
關於📝UCHI DESIGN
🏠 九龍觀塘巧明街105號好運工業大廈13樓A室
📞 55012139
Facebook: https://www.facebook.com/uchidesignhk
IG: ＠uchidesign.ltd
website: http://www.uchidesignhk.com/
Comentarios