《為客廳修容嘅屋子》 鑽石山 啟鑽苑
- Uchi Design
- 2024年7月1日
- 讀畢需時 3 分鐘
已更新：1月10日
《為客廳修容嘅屋子》 鑽石山 啟鑽苑
先天格局上，屋子已經劃分好兩個房間，因此冇太大改動。唯獨美中不足嘅係浴室顯得未夠實用，因此設計師將洗水盤拍埋牆，馬桶放置係洗水盤格黎，而騰空出黎嘅空間足以將原先嘅企缸拉長再加裝浴屏， #乾濕分離 亦有寬闊淋浴間。
廚房方面，移除牆身改為開放式廚房，簡體整潔嘅一體式L型廚房；爐頭位置迎合屋主需要稍為調低，仿無阻一整組廚櫃包攬所有家電，亦以入櫃式雪櫃作為廚房同客廳嘅分隔。
黎到客廳位置，屋主表示希望可以有多d儲物空間！設計師考慮到，如客廳放置一整列入牆儲物櫃，原先寬闊嘅客廳於視覺上會變得好有壓迫感，故特以係電視櫃上「做手腳」，將儲物櫃與電視特式牆身融合，連放電視嘅地方都唔可以錯過，統統都做到儲物！
一整組嘅 #電視特色牆儲物櫃連暗門 ，分成3種layer：
底層條子特色牆，增加燈光係凹凸牆上嘅 wall washing 效果，亦為暗門門身加上detail。第2組layer，懸空嘅電視櫃，擺放一般電訊設備及雜物等。第3種layer為懸浮嘅儲物櫃連電視掛牆，整組櫃包辦儲物、書架、電視牆功能！只要將電視以電視架「碼」係櫃門上，就唔會浪費任何一吋儲物空間喇！而儲物櫃嘅不規則間隔排列帶來小調皮嘅視覺效果添，增添客廳趣味！
整組入牆櫃櫃身拉橫，令牆身6：4嘅比例變得修長；其櫃身亦唔會做到〝到頂〞或〝到底〞，用天花同地下滲光增加櫃嘅「懸浮感」。睇返晒天花同地下嘅線條，感覺空間冇咁多大件傢俱阻擋視線，睇落仍然好大！！！！
電視特色儲物櫃剛巧安排係客廳嘅走道位置，為左令佢唔好太突兀，設計師更特以用「大圓角」及閘斜嘅手法，修飾櫃身邊邊角角，令佢睇落更圓滑順眼，於走道上亦冇咁容易撞到！
特色牆嘅色彩延至浴室暗門及玄關位置嘅C字櫃上，3種不同深淺嘅大地色：帶淺粉木紋、無印色、淺胡桃木紋，再配以淺黃木紋磚，令屋內產生一種和諧豐盛嘅氛圍！
屋主們喜好木系風格，2睡房都使用2種風格木色特顯大家不同性格！
客房方面，以較為中性嘅深胡桃木開首，採用大衣櫃加地台床升高手法，無論地台定小樓梯都增加屋內/房內儲物度！其小樓梯設計亦使用大買角收角設計，線條順滑舒服又大器！
而主人房，則以素木色為主調，與深胡桃作混搭，為「衣櫃牆」加入跳脫色彩！
歡迎各位屋主 inbox📥查詢細節及報價
—
🔥對於仲未有idea /未係好有概念嘅 #新型居屋 屋主們，可以望下呢到👇🏻
✅《由特色牆包辦嘅屋子》 鑽石山 啟鑽苑
✅《輕日式旅館風嘅屋子》 馬鞍山 錦駿苑
✅《光與影嘅屋子》馬鞍山 錦駿苑
✅《優雅「小貴婦」感嘅屋子》馬鞍山 錦駿苑
✅《輕巧.空氣感嘅屋子》馬鞍山 錦駿苑
✅《浴廁分離嘅屋子》青衣 青富苑
✅《室內窗嘅屋子》粉嶺 山麗苑
✅東涌 裕雅苑 - 555呎套廁單位
✅《玄關被偷位嘅屋子》粉嶺 山麗苑
✅《房中房嘅屋子》荃灣 尚翠苑
✅《地台變奏嘅屋子》柴灣 蝶翠苑
✅《機關算盡嘅屋子》新蒲崗 景泰苑
✅《田園風嘅屋子》馬鞍山 錦駿苑
✅《中性硬朗嘅屋子》粉嶺 山麗苑
✅《理想主婦嘅屋子》火炭 彩禾苑 U型島廚房
✅《貓咪哨站嘅屋子》粉嶺 山麗苑
✅《山系.屋中泊》粉嶺 山麗苑
✅《有玄關的屋子》火炭 彩禾苑
✅《被光同空間聚焦嘅屋子》東涌 裕泰苑
✅《木白灰嘅屋子》粉嶺 山麗苑
—
關於📝UCHI DESIGN
🏠 九龍觀塘巧明街105號好運工業大廈13樓A室
📞 55012139
Facebook: https://www.facebook.com/uchidesignhk
IG: ＠uchidesign.ltd
website: http://www.uchidesignhk.com/
コメント