《細緻藝術嘅屋子》 青衣 長青邨
- Uchi Design
- 2024年11月18日
- 讀畢需時 3 分鐘
已更新：1月10日
《細緻藝術嘅屋子》 青衣 長青邨
原側為天然嘅長廳加兩房單位，規劃上屋主希望做到3房；設計師保留原先兩房設計，再稍微於客廳靠窗位置多劃出一個睡房，足以擺放衣櫃、工作間及訓覺嘅位置，再以玻璃活動趟門將光線引出及區間睡房與客廳嘅界線。
設計師於電視牆以3重layer「粉飾」，揀選唔同材質、深淺層次高低，於視覺上還原返一個偏長嘅客廳。
電視牆由C字櫃順挺，用飾面橫跨整棟牆身及以暗門包裹埋睡房。
以簡約為主將間隔重新排版，視覺集中於稍稍「拋出」嘅電視櫃，將客廳視覺集中於一點！具功能性又美觀！
電視櫃於客廳充當一個重要角色，重點地將屋內水平線拉長，其座地設計亦顯得特別slim及輕巧，亦唔會阻礙人們視線。電視櫃亦係階梯擔當，踏上電視櫃可步入暗門後嘅睡房！
為增加屋內可儲存空間，兩房均以地台設計。而「玻璃睡房」以升高地台增加房內多變空間，地台如同日式榻榻米，除增加儲物位置外，亦濃縮工作、睡眠空間及「迷你party房」在內，稍為移開傢俱就可以隨時變換場景！
一般睡房於擺放雙人床後，如想要有書桌、大衣櫃或儲物，都要相對比較闊嘅走道走動，因為床身已經有一定嘅高度，會令房間可利用嘅地方變得局限又迫，想拎件野都會左頂右頂，令人困擾！
但將所有傢俱與地台床合併就做到晒以上功能喇！書桌安排係靠窗邊位置，
升高走道(即衣櫃同床邊嘅空間)，唔單止可以企返個人，仲夠位坐到一個人辦工！
升高地台另一好處，可以將可用空間向上提升，上面嘅野夠高拎之餘，仲可以巧秒地將唔常用嘅用品放係地台下面！
屋主認為房門必須融入每吋空間，因此主人房亦採用暗門式設計；於沙發旁嘅條子特色位，為平實嘅牆身加點「睇頭」，亦為房門重新定義好！
為左襯托不能改動嘅防煙門，浴室門加添了細節，以水紋玻璃增加藝術風情及透光度～
當中屋內亦考慮到牆磚不能移除，係美觀取捨下，浴室及廚房牆身選擇於重點位置，係原先嘅牆身上再on top 鋪上自選牆磚，即刻夾返晒整間屋子設計🥰。
全屋都離不開典雅色彩，白色為主調與木系元素拼接，傢俱邊邊角角、把手等細緻位，都以圓角修整，無論視覺與配色都十分溫柔、舒適。
屋內嘅精選位置，小編會揀選廚房嘅貴族綠色，罕見搶眼又加分；另外浴室嘅粉色臺面櫃與橙色飾面板撞色，重點見光位再用白色鱗片磚，帶點公主vibe又令人感覺溫暖😊
✅《日和年代感嘅屋子》 鑽石山 啟鑽苑
✅《玻璃睡房嘅屋子》東涌 裕雅苑
✅《為客廳修容嘅屋子》 鑽石山 啟鑽苑
✅《輕日式旅館風嘅屋子》 馬鞍山 錦駿苑
✅《光與影嘅屋子》馬鞍山 錦駿苑
✅《輕巧.空氣感嘅屋子》馬鞍山 錦駿苑
✅《浴廁分離嘅屋子》青衣 青富苑
✅《室內窗嘅屋子》粉嶺 山麗苑
✅《奶油風控場藝術嘅屋子》大圍 湖景花園
✅《夫婦二人嘅屋子》鑽石山 星河明居
✅《鑽石廳嘅屋子》黃埔 黃埔花園
✅《門處理嘅屋子》沙田 偉華中心
✅《日系廚房嘅屋子》堅尼地城 青蓮臺
✅《高貴典雅嘅屋子》將軍澳 日山康城
✅《輕奢華嘅別墅屋子》大埔 林村村屋
✅《一覽無遺嘅屋子》黃大仙 怡庭居
✅《簡約無印風》荃灣 爵悅庭
—
關於📝UCHI DESIGN
🏠 九龍觀塘巧明街105號好運工業大廈13樓A室
📞 55012139
Facebook: https://www.facebook.com/uchidesignhk
IG: ＠uchidesign.ltd
website: http://www.uchidesignhk.com/
Comments