《輕日式旅館風嘅屋子》 馬鞍山 錦駿苑
- Uchi Design
- 2024年1月28日
- 讀畢需時 3 分鐘
已更新：1月10日
對於呢一種圖側黎講，空間規劃上最理想嘅做法當然係兩房一廳。係考量上，好多屋主都徘徊係〝空間感〞與〝客廳光線〞之間。為左平衡兩者之間，設計師將小睡房安排係客廳嘅一個角落，其空間足以擺放一張單人床及書枱架！而另一方面，客廳多左一棟牆身，視覺上的而且確會變得壓迫，但我地可以係新起嘅牆身上安排一個室內窗嘅設計，令光線可以輕易穿透客廳至小睡房，可以保持空氣流動，隨時望到小朋友嘅行蹤，亦可以增加同小朋友嘅互動嘅機會！
#屋點子 💡
室內窗令房間同房間之間嘅界線變得「透明」，可以增加家人間嘅互動，亦因為可以望穿對面而增加室內空間感，光線可以自由游走唔同嘅空間。另外，只要安裝摺窗或趟窗，仲可以令屋內嘅空氣變得更流動。相比起傳統嘅木板牆 / 磚牆間隔，室內窗顯得更透氣、透光、減少間牆後嘅壓迫感，令全屋睇落都大 d ，空間見駛d 架！
其他間隔上嘅改動，浴室更改開門位置，由轉角移至由浴室中間進入，令沖澡、去廁所、洗手都做到「一步」到位。
打通牆身，令廚房空間擴大，充分將周邊嘅空間納入為廚房嘅一部分！U型開放式廚櫃設計，嵌入式廚櫃包攬晒所有家電，感覺企理又順眼。其中一組家電，係做水泥部分時已被設計好要凹入少少做「偷位」，「偷走」少量浴室企缸嘅空間，將半部洗衣機「塞入」，浴室廚房兩邊走盞下，洗衣機可以舒服地擺入廚櫃內不突兀。
屋內以自然元素強調 #日式風格 ，挑選令人感覺溫暖嘅胡桃木元素，由木紋窗、門框窗框、地台至其他傢俱、燈具等，用色選材都十分一致和諧，尤如置身於一間日式小旅館一樣。
其溫暖和諧色系，由客廳挺伸至廚房，屋主選用帶點 #鄉村風 牆身磚，點絀廚房牆身見光位，亦挑選與磚紋相近的淡木及暖木色作廚櫃設計。
而浴室則與「外面嘅世界」形成強列嘅對比，浴室選用比較冷靜嘅冷色調作為配搭，灰石紋牆身與灰藍色櫃身，俾人一種可以好好冷靜、放鬆嘅感覺。
歡迎各位屋主 inbox📥查詢細節及報價😜
💡 更多較為 #個性風 嘅唔同類型風格設計，可以去呢到👇🏻
✅《光與影嘅屋子》馬鞍山 錦駿苑
✅《輕巧.空氣感嘅屋子》馬鞍山 錦駿苑
✅《室內窗嘅屋子》粉嶺 山麗苑
✅《極簡主義.黑白灰嘅屋子》馬鞍山 錦泰苑
✅《薄荷綠嘅屋子》馬鞍山 錦豐苑
✅《日系廚房嘅屋子》堅尼地城 青蓮臺
✅《高貴典雅嘅屋子》將軍澳 日山康城
✅《貓咪哨站嘅屋子》粉嶺 山麗苑
✅《輕奢華嘅別墅屋子》大埔 林村村屋
✅《半屋藍嘅屋子》青衣 青衣邨
✅《高冷Apple風嘅屋子》葵涌 荔景邨
✅《Cafe般的屋子》火炭 旭禾苑
✅《田園風嘅屋子》馬鞍山 錦駿苑
✅《簡約無印風》荃灣 爵悅庭
－
關於📝UCHI DESIGN
🏠 九龍觀塘巧明街105號好運工業大廈13樓A室
📞 55012139
Facebook: https://www.facebook.com/uchidesignhk
IG: ＠uchidesign.ltd
website: http://www.uchidesignhk.com/
Comments